「第二十一屆香港電影金像獎頒獎典禮」邀請我們約一百位小熊於「亞洲星光大道」列隊夾道歡迎各國嘉賓，大會更安排小朋友穿著亞洲民族色彩的服飾上台。是次頒獎禮除會於香港電台及TVB播放之外，連中國內地之電視台及亞洲各地傳媒亦會派員專訪。這是一次難得的機會，讓亞洲各地朋友認識熊熊。演出日期：21/4/2002 (Sun) 8:00pm
地點 : 文化中心大劇院

音樂事務處邀請我們於三月三日在高山劇場舉行的「親親音樂會」擔任表演嘉賓。

祖詩姐姐連同熊熊兩位小成員(陳衍珩, 葉詩彤)接受週日小人類訪問, 暢談唱作兒歌的喜與樂….

沙田大會堂的節目小組再次邀請我們於沙田表演，地點是新城市廣場外面的露天廣場，由於上次演出反應相當之好，今次再接再勵，與新界區的小朋友分享熊熊的原創兒歌，詳情如下：

日期： 26/1/2002 (Sat)
時間： 4:00-5:00pm
地點： 沙田新城市露天廣場（面向沙田大會堂）

*當日由於天雨關係, 由原本露天場地表演改為大會堂文娛廳演出…

熊熊熊將於一月十九日擔任香港電台《全港兒童故事演講比賽》的表演嘉賓，以一個小小的互動話劇形式演繹《白日夢》，大家要快快向香港電台索取當日的入場券，不然便會看不到熊熊的精彩演出，詳情如下：

日期：二零零二年一月十九日（星期六）
時間：下午三時正
地點：香港大會堂音樂廳

更多相片 : [採排] / {幕後花蕠]
地點： TVB 電視城日期： 1/9/2002

時間： 9:30pm-9:50pm

景：小女孩睡房

人：小女孩（阿扭:洛誼）、爹O地、媽咪、玩具：BoBo公仔、JoJo新玩具、故事書、魔術師 (HARRY哥哥)、BearBear熊(陳衍珩)、兔仔、鴨仔、雪櫃、卡拉OK錄音機、手風琴、打鼓士兵、各大大小小散玩具（芭蕾舞公仔、日本娃娃）

曲：福頭, 蔡更德∕詞/劇本：祖詩
1. △阿扭抱著BoBo公仔愛心版
2. △父母忙碌歌
3. △阿扭抱著JoJo公仔變心版
4. △BoBo傷心自述、JoJo開心自述
5. △玩具被遺棄自述悲傷版
6. △魔術師被遺棄自述憤怒版
7. △玩具憤怒別離
8. △阿扭抱著所有玩具珍惜大團圓版
© 2002 Bear Productions.

前言：

每人都有一顆心，媽媽常說：「你要用心讀書，不要粗心大意。」，爺爺也常訓誨孫兒們對父母要有孝心，老師教導小孩子要有愛心。你的「心」又是怎樣的呢？想知心有甚麼用途，就要留意10月26日播出《心多多》MTV了，熊熊成員更會接受《至Net小人類》主持人的訪問，大家不要錯過呀！還有呀，10月29日會播出她們接受IQ速遞的考驗，看看她們的IQ到底有多高！

首播日期 :

10月 26日2001(及於29日早上重播)"至叻小人類"播放

心多多

心多多 （曲：福頭∕詞：祖詩）

合唱 : 熊熊兒童合唱團

我喜歡事事都關心
兼有孝心公德心
胸口偏左的一顆心
叫我衷心以禮待人
我知心好多多得很
全憑懷著一點真
不多不少的信心
教我謙虛往前行

我喜歡做事很專心
加上決心不粗心
不偏不倚的正義感
錯對分清的指引
我但願日後終一生
常存著赤子之心
永沒極限的愛心
叫我開心做快樂人

9月10日是敬師節，教育署及香港電台特別邀請了郭富城先生主唱主題曲。

熊熊幾位團員也有份擔任和唱，自然興奮不已。我們的團員陳敏婷及高少敏並參與拍攝敬師節的宣傳片，預計下星期播出。此宣傳片將會製成CDRom∕VCD並派發全港學校，讓所有學生一齊學唱，一起向老師致敬。

如果你仍是學生，就更加要留意留意了。在此，願全港老師們齊心合力，培育孩子，我們支持你啊！

合家歡音樂會
以嶄新的意念和表演形式，將歌、舞、故事、兒童畫、遊戲、樂器演奏串連起來，突破傳統框框，與你攜手進入充滿創意的音樂新天地。熊熊暑假另一巨獻，熊熊兒童合唱團會於文化中心與大家共聚兩小時，為你準備一個大型合家歡音樂節目，屆時熊熊兒童合唱團的所有大熊小熊均會和你見見面、唱唱歌、玩玩遊戲， 豐富節目等著你來參與，音樂會費用全免，想一家大小與熊熊過一個快樂的下午，別忘了早點到場霸位啊！
地點： 香港文化中心大堂

日期： 18/8/2001

時間： 2:30pm-4:30pm

費用： 全免

主辦機構: 康樂及文化事務署主辦

熊熊與你做個好朋友2001合家歡音樂會節目程序表：

司儀～胡仲兒、蔣善婷

一. 迷你音樂劇《開飯喇》

主角：爸爸～蕭頌恩、媽媽～宋芷婷、大珠～梁曦彤、二珠～楊倩兒、三珠～黃綺婷、

四豬～黃以禮、旁述～鄧曉彤、任容儀、鋼琴伴奏～梁淑菁

舞蹈組：鄧詩敏、葉詩彤、陳天慧、張嘉希、古曦雯、樓曉怡、黃慧雯、蕭沛雯、陳玉瑩、吳芷茵、劉媛芝
合唱組：熊熊兒童合唱團團員

#這次迷你音樂劇《開飯喇!》是由第二主角參與演出, 一來大家更有新鮮感, 二來也表示眾多熊熊都能演能唱啊!!

二. 音樂人生
陳天欣、李皓汶、張家欣、黃子穎、李絮君、林芝瑛
合唱：熊熊兒童合唱團團員

#「音樂人生」是熊熊的最新節目環節, 由陳天欣、李皓汶、張家欣、黃子穎、李絮君、林芝瑛唱出由BB至長大成人的人生趣聞怪事, 十分有趣的節目, 萬勿錯過!!!
熊熊與你做個好朋友2001值幾多分?? 網友短評!

今年0既“熊熊興你做個好朋友2001”真係幾特別, 雖然板主一早透露0左節目內容, 不過估唔到0既係熊熊放棄0左一向0既表演形式。 熊熊一直都係一首一首歌0甘唱, 中間夾雜0的遊戲, 無乜連貫性。今次板主講0左會做“開飯喇”同“音樂人生”, 但係估唔到只係得呢兩個部份。其實我諗兩種形式各有各優點, 以前0甘, 無連貫性, 但係自由好多, 鍾意唱邊首就邊首。有主題呢, 有連貫性, 但係另一方面又可能會俾個主題限死0左, 如果一首同主題完全無關0既歌呢, 可能就要被迫放棄啦。

今次重做“開飯喇”, 內容完全一樣, 不過角色分配就轉晒。唔……坦白講, 整體上0黎講, 無之前0個批做得0甘好。 其中飾演大珠0既曦彤同二珠0既倩兒較為特出, 而做媽媽0既芷婷就最慘啦, 聽得出佢好唔舒服, 把聲沙晒, 表演未如理想, 亦無可厚非。唔知係唔係唔夠時間排練呢, 當中有少少出錯, 而且唔係太流暢。其實今次表演0既團員年紀較細, 又要係0甘多人面前表演, 0甘0既水準已經好唔錯, 只係之前0個班團員做得太好, 好自然有0左比較。

睇0既過程之中, 我不停0甘諗, 舊0既演員見到新0既演員演繹自己0既角色, 唔知有咩感覺呢?

節目第二部份係“音樂人生”, 呢0個構思幾特別, 無論係節目內容想帶出0既信息、演繹方法、選曲等都俾人一種耳目一新0既感覺。

“音樂人生”自然就係講音樂與人生0既關係, 團員唱出一個BB由係媽媽肚裡面聽到0既“搖籃曲”開始, 到佢長大0既過程中, 代表佢地成長經歷0既歌。其中尾段, 講我0地以家心中0既金曲, 到我0地長大後, 我0地0既仔女會覺得呢0的歌OUT, 就好似我0地以家嫌棄媽媽0既“小城故事”同爸爸0既“天各一方”0甘, 我覺得好touching。而到我0地有0左BB之後, 又會再唱返“搖籃曲”俾佢聽。 原來音樂就係0甘一直係我0地心中(呢0的叫唔叫首尾呼應呢, 哈哈)。

演繹方面, 熊熊表現得好活潑, 特別係天欣, 表面上佢斯斯文文, 好正經0甘, 原來……佢表演起上0黎都好放。 但係芝瑛又係唔舒服, 佢雖然佢無芷婷0甘犀利, 不過都有少少影響演出水準。 其實芷婷做媽咪就話唔可以轉人0者, 芝瑛唱0既“小老鼠”, 我諗無邊個團員唔識唱掛, 既然芝瑛唔舒服, 點解唔搵第二個唱呢? 其中熊熊唱0左一首“不是催眠曲”, 所有團員都閉上眼, 有0的團員呢, 依然企得好企0甘咪埋眼扮0訓覺, 但係衍珩真係好放鬆。 熊熊好多時都會係0的歌曲入面加插一0的動作, 我覺得如果團員投入0既, 呢0的動作會成為演繹0既一部份, 增加感情0既傳遞, 但係如果唔投入, 就只會係“做”動作。演繹幼稚園歌0既時好亦都特別, 好似唱“打開蚊帳”, 佢地會係句與句之間拍一0下手, 表示拍蚊。唱“有隻雀仔跌落水”又會加0的聲音(我真係唔識點形容0個種聲音)。我真係無諗過一0的0甘普通0既歌都可以0甘生動0甘演繹。

熊熊今次亦都用係互動0既形式, 當中曾經叫觀眾打拍字、做動作、三重唱等, 觀眾0既反應都OK啦, 可能當日有好多中年人, 好似傳氣球0甘, 0的上0左年紀0既人(包括我)都唔肯接個氣球, 哈哈! 但係我又聽到一個媽媽, 真係跟住熊熊唱“親子樂”, 其實我諗佢只係想唱俾個女聽。所以熊熊點解唔定一個範圍, 只準小朋友同家長坐, 而我0地呢0的只係“睇”0既老年人, 坐後0的都唔緊要啦, 我諗0甘0的小朋友睇得舒服0的, 玩得投入0的, 氣氛亦都好0的。

選曲方面, 可能要配合主題啦, 一0的一向會/諗住聽到0既歌都無唱, 對於我0黎講都幾好, 可以睇0下熊熊點樣演繹其他歌。而最特別0既當然係唱0左幾首唔係兒歌0既歌啦, 我呢0的大人睇, 就梗係好有共鳴, 小朋友呢, 可能唔知你0地做咩喇。 但係點解成日唱容祖兒0的歌, “全身暑假”就話夠氣氛0者, “逃避你”唔叫金曲掛? 定係我OUT呢? 嗚……>.<

其中又唱過“超人迪加”, 熊熊一開聲, 嘩! 真係……好彩佢地都解釋0左呢首歌係男仔音, 唔適合佢地唱, 如果要聽晒成首, 就真係……之後我仲以為佢地會唱“小丸子”添, 原來唱“仙樂飄飄處處聞”。

成個音樂會最好聽0既呢, 就係新歌“親子樂”(我諗係新歌掛), 一個字形容──正! 見到熊熊拎張歌詞紙出0黎, 我幾想抄低佢呀, 不過大庭廣眾又唔好意思, 音樂會完0左之後我即刻默返出0黎, 我怕我之後唔記得點唱, 無辦法啦, 老人家無記性。

大家有無發現熊熊唱歌好似有少少唔同0左呀? 熊熊同一般合唱團唔同0既係, 熊熊會用小朋友最真0既聲音演繹兒歌, 所以一向都好小朋友方式唱歌。今次佢地試音響唱“親子樂”0既時候, 一開聲, 嘩! 好柔、好和, 我起初以為呢首歌比較柔和、又要配合鋼琴聲, 所以熊熊用0甘0既聲線演繹。但係之後熊熊唱其他歌0既時候把聲都好似柔和0左, 我諗有以下呢幾個可能性: (1)我聽錯0左 (2)熊熊轉變0左唱歌0既方式 (3)當日表演0既團員比較大(因為年紀愈大, 愈識講技巧, 聲線亦會圓潤0的)

嘩! 成二千字, 唔講啦, 唔係俾人打咖啦, 無辦法啦, 老人家係長氣0的咖啦, 希望大家唔好嫌棄啦。

– 網友 : copycat 8/20/2001 熊熊四坊街 留言

新聞稿
2001年6月6日

用音符作材料 把樂章變作佳餚
一個令一家大小大快朵頤的「庖廚樂」音樂會

暑期將至，今年香港中樂團特別為小朋友炮製了一個以食文化為主題的音樂會–「庖廚樂」。音樂會將於七月十三及十四日假香港大會堂音樂廳舉行，在客席指揮葉詠詩這位「總廚師」的指揮下，香港中樂團的樂師將充當「大廚」，聯同熊熊兒童合唱團的純真演繹、龍向榮和龍一脈兩父子激動心弦的敲擊演奏、再加上盧偉力生動的旁述，定能令各大小朋友胃口倍增。「庖廚樂」既是一個迷你音樂劇、亦是一個充滿創意的中樂音樂會。觀眾將可以欣賞到百多位年齡由五至六十歲的大小朋友同台演出的盛況、體驗以父子兵上陣的敲擊勁旅如何震盪人心，及發現如何用餐具敲擊出動聽的樂章。「庖廚樂」乃康樂及文化事務處一年一度舉辦的「國際綜藝合家歡」節目之一。

迷你音樂劇《開飯喇》，由香港中樂團及熊熊兒童合唱團合作演出，是一個集中樂、戲劇、童謠及舞蹈等元素於一身的本地原創兒童劇。內容生活化，親切有趣，既富教育意義亦極盡視聽之娛。

迷你音樂劇《開飯喇》

《開飯喇》透過陳先生一家六口日常吃飯的片段作為反面教材，帶出正確的飯桌禮儀和健康飲食習慣的訊息。劇中人物生動活潑、詼諧有趣，是一個讓大、小朋友都看得開懷的迷你音樂劇。本劇由熊熊兒童合唱團音樂總監祖詩小姐擔任劇本、導演及編舞的工作，陳栩菁小姐為合唱指導，香港中樂團駐團作曲陳能濟先生負責編曲。

龍向榮

上陣不離父子兵，香港管弦樂團首席敲擊樂師龍向榮及其十一歲兒子龍一脈將會合作演奏《雙龍出海》（陳國平曲）。龍氏兩父子充滿澎湃力量的演繹方式，活脫脫就如兩條矯捷的游龍在舞台上表演一樣，牢牢地吸引著台下觀眾的心神。相信沒有小朋友不喜歡拿著筷子、棒子之類的物件到處敲敲碰碰，創作出屬於自己的音樂。今次香港中樂團特別獻給小朋友的《餐具碰碰樂》（錢兆熹曲）就正好實現了這個小小的願望，因為此曲正是以餐具作為樂器，合奏出詼諧輕快、充滿童真的樂曲。如此別開生面的演奏，一定不容錯過！至於首演的《庖廚樂》（陳明志曲）是一個為「美味人生」而寫的磘述中樂作品，由資深戲劇工作者盧偉力撰寫劇本及擔任旁述。

葉詠詩

客席指揮葉詠詩是亞洲樂壇備受尊崇及具影響力之人物，由一九八六至二OOO年七月，她一直出任香港管弦樂團駐團指揮，九七年三月成為廣州交響樂團首席指揮，二OO一年五月起出任該團首任音樂總監。葉氏曾獲香港皇家賽馬會音樂基金獎學金，在七八至八三年間在倫敦皇家音樂學院攻讀，於八五年在美國印第安納大學取得小提琴及指揮碩士學位。葉氏於八五年在法國貝桑松第三十五屆國際青年指揮大賽中贏得冠軍及「金豎琴」獎，又於八八年第八屆東京國際指揮比賽中獲獎，經常與中國、日本、澳洲、歐洲多個樂團合作演出。

熊熊兒童合唱團
港台《好孩子，星期天》專訪

熊熊兒童合唱團成立於一九九七年，現有團員一百五十人。合唱團的成員除經過嚴格的試音遴選外，還要接受一連串嚴謹的訓練以鞏固他們的歌唱技巧和音樂知識。除此之外，他們亦需接受舞蹈、司儀、講故事及錄音等多元化的培訓。合唱團經常參與各類型演出活動，曾參與全港兒童故事演講比賽—序幕音樂劇，及在全球華語電台大聯播中與香港中樂團及劉德華合作演繹「明天會更好」。

龍向榮
龍向榮父子

擔任敲擊合奏的龍向榮一直以敲擊獨奏家身份活躍於本港樂壇，自八四年起擔任香港管弦樂團首席敲擊樂師，且是香港演藝學院、中文大學及浸會大學敲擊樂導師。曾獲香港藝術家聯盟頒發「一九九一演奏家年獎」及獲選為一九九九年「十大傑出青年」之一。其兒子龍一脈四歲起學習敲擊樂，多年來在校際音樂節中囊括了不少鋼琴獨奏冠軍獎項。他曾三度獲香港演藝學院頒贈宋慶齡少年宮獎學金，成為該校最年輕的得獎者。一脈曾多次於電視及電台作獨奏表演，亦曾獲邀於禮賓府及加拿大的音樂節中作獨奏表演，並大獲好評。

盧偉力

擔任旁述、《庖廚樂》文本創作及戲劇指導的盧偉力是紐約市立大學博士、資深戲劇工作者及詩人，現於香港浸會大學任教。他曾參與戲劇活動二十多年，導演、演出劇目超過二十個，並從事多元文字創作，著有詩集《我找》及多文體合集《紐約筆記》等。

「庖廚樂」音樂會將於七月十三及十四日晚上八時，假香港大會堂音樂廳舉行。節目詳情如下：

「庖廚樂」音樂會海報

迷你音樂劇 《開飯喇》

劇本/導演/編舞 祖詩
演出 熊熊兒童合唱團 編曲 陳能濟
合唱指導 陳栩菁

《雙龍出海》 作曲 陳國平
敲擊合奏 龍向榮 龍一脈

《餐具碰碰樂》（首演） 作曲 錢兆熹

《庖廚樂》（首演） 作曲 陳明志
演出 熊熊兒童合唱團

文本/戲劇指導/旁述 盧偉力

「庖廚樂」音樂會門票於六月七日起在城市電腦售票網發售，票價分七十元、九十元、一百一十元及一百三十元四種，設高齡、殘疾人士、全日制學生及綜合社會保障援助受惠人士半價優惠。

香港中樂團網址：http://www.hkchineseorchestra.com

「國際綜藝合家歡」節目網址 : http://www.iachk.org

直接網上訂票：http://www.urbtix.com

網上訂票：http://www.urbtix.com

訂票熱線：2734 9009 信用卡電話訂票： 2111 5999